Dastavej - दस्तावेज़ | मोडी लिपी

आज साताऱ्यातील अटके गावच्या एका शेतकरी बंधूंनी पत्र पाठवलं आहे. Modi Script Online ह्या चॅनलवरील व्हिडिओ पाहून ते एका महिनाभऱ्यात मोडी लिहायला शिकले. अक्षरांचा सराव केल्यावर त्यांनी घरातील व्यक्तींची नावे, भाज्यांची नावे, वर्तमानपत्रातील ओळी लिहिण्याचा सरावदेखील केला. त्यांच्या लेखनात काही त्रुटी अवश्य आहेत पण सात-आठ ओळींचं एक पत्र लिहिण्याइतका आत्मविश्वास त्यांच्यात आला. त्यांच्या पत्राचं सर्वांना वाचण्यायोग्य असं देवनागरी लिप्यंतर सोबत देत आहे. ज्याप्रकारे मन लावून ते अभ्यास करत आहेत ते पाहता येत्या काही महिन्यांत त्यांच्याकडील जुने दस्तऐवज वाचण्याइतके तरबेज ते नक्कीच होतील. मोडी लिपीच्या अभ्यासाकरीता त्यांना भरभरून शुभेच्छा! 🌹

दि. २० जानेवारी ते ७ एप्रिल ह्या कालावधीमध्ये पुण्यात आयोजित केलेला मोडी लिप्यंतर कौशल्य प्रशिक्षण वर्ग काल परिक्षा घेऊन संपन्न झाला.

मोडी लिपी सर्वांना ऐकून माहित असली तरी कित्येकांना ती शिकण्याची आवड असूनही त्यांच्या विभागात तशी सुविधा नसल्याने ते मोडी लिपी शिक्षणापासून वंचित राहात आहेत. तसेच भारताबाहेरूनदेखील काही व्यक्तिंनी मोडी लिपी प्रशिक्षण वर्गाची विचारणा केली आहे. अश्या इच्छुक विद्यार्थ्यांसाठी मी स्वत: मोडी लिपी दूरस्थ प्रशिक्षण देण्याची तयारी करीत आहे. हे वर्ग अश्या प्रकारचे असतील कि आपण भारतात किंवा भारताबाहेर कुठेही असलात तरीही ह्या प्रशिक्षण वर्गाचा फायदा आपल्याला घेता येईल. सदर वर्ग हे अर्थातच सशुल्क असणार आहेत.

Maharashtra State Archives Department conducts MoDi Script training classes once a year. Clearing this exam with good marks is beneficial to work as a professional Modi script transliterator. 80% attendance is compulsory for the candidate. All qualified students will be felicitated with the encouraging certificate by the Directorate of Archives Government of Maharashtra.