मोडी दस्तऐवज लिप्यंतरासाठी कसे पाठवावेत?

१. सर्वप्रथम आपल्या दस्तऐवजाची PDF तयार करायची आहे. त्यासाठी झेरॉक्स अथवा सायबर कॅफेवाल्यांकडे असतात तश्या स्कॅनर्सवर आपले दस्तऐवज 300dpi वर स्कॅन करुन घ्यावेत व सर्व फोटोंची मिळून एक PDF तयार करुन घ्यावी. (स्मार्टफोनवरील स्कॅनिंग अ‍ॅपही चांगले असते पण फोटोची क्वालिटी आपल्या कॅमेऱ्याच्या मेगापिक्सलवर अवलंबून असते. म्हणून वर सुचवलेला पर्याय जास्त उपयुक्त आहे).

२. ही PDF kanchankarai@gmail.com येथे इमेल करावी. इमेल करताना attachment म्हणून PDF जोडावी लागते.

३. इमेलमध्ये आपला तपशील लिहावा. जसे: आपले नाव, फोन नंबर, पत्ता इ.

फोनवर संपर्क साधायचा असेल तर 9920028859 ह्या क्रमांकावर सकाळी ११ ते सायं. ६ ह्या वेळेमध्ये सोमवार ते शुक्रवार ह्या दिवसांत फोन करुन सविस्तर माहिती द्यावी.

आमची नोंद गुगलवर: 4.9 Star Rating मोडी लिपी

आपले कागदपत्र पाठवायचे असल्यास कृपया येथे क्लिक करुन फॉर्मसोबत जोडावेत.

मोडी लिप्यंतर कौशल्य १

मोडी लेखन तारतम्याने वाचायचं म्हणजे काय?

पहिलं चित्र पहा. हा शब्द ’माझी’ असा मोडीत लिहिलेला आहे हे सांगूनही पटणार नाही कारण मोडीतलं ’झ’ हे अक्षर ’कर’ सदृश दिसतंय आणि पुढील पूर्ण वेलांटी म्हणजे ’नी’ हे अक्षर वाटतंय.

’झ’ अक्षराच्या पोटातून सुरू होणारा काना व वेलांटी अक्षराच्या शेपटाकडून सुरू होतेय. गोंधळ उडणं साहजिक आहे.


वाचनाची सवय नसेल तर हा शब्द ’माकरनी’ असा वाचला जाईल. आता दुसरं चित्र पहा. पहिल्या चित्रातील शब्दाच्या पुढचे दोन शब्द नीट वाचता येत आहेत - ’वलार्जित मिळकत’.

एकदा हे दोन शब्द कळले कि पहिला जो शब्द ’माकरनी’ असा वाचला तो ’माझी’ आहे हे चटकन कळून येतं.

आता तिन्ही शब्द सलग वाचले तर ’माझी वडिलार्जित मिळकत’ असं वाचता येतं.