मोडी दस्तऐवज लिप्यंतरासाठी कसे पाठवावेत?

१. सर्वप्रथम आपल्या दस्तऐवजाची PDF तयार करायची आहे. त्यासाठी झेरॉक्स अथवा सायबर कॅफेवाल्यांकडे असतात तश्या स्कॅनर्सवर आपले दस्तऐवज 300dpi वर स्कॅन करुन घ्यावेत व सर्व फोटोंची मिळून एक PDF तयार करुन घ्यावी. (स्मार्टफोनवरील स्कॅनिंग अ‍ॅपही चांगले असते पण फोटोची क्वालिटी आपल्या कॅमेऱ्याच्या मेगापिक्सलवर अवलंबून असते. म्हणून वर सुचवलेला पर्याय जास्त उपयुक्त आहे).

२. ही PDF kanchankarai@gmail.com येथे इमेल करावी. इमेल करताना attachment म्हणून PDF जोडावी लागते.

३. इमेलमध्ये आपला तपशील लिहावा. जसे: आपले नाव, फोन नंबर, पत्ता इ.

फोनवर संपर्क साधायचा असेल तर 9920028859 ह्या क्रमांकावर सकाळी ११ ते सायं. ६ ह्या वेळेमध्ये सोमवार ते शुक्रवार ह्या दिवसांत फोन करुन सविस्तर माहिती द्यावी.

आमची नोंद गुगलवर: 4.9 Star Rating मोडी लिपी

आपले कागदपत्र पाठवायचे असल्यास कृपया येथे क्लिक करुन फॉर्मसोबत जोडावेत.

रूपये व्याज सुद्धा मोडी लेखन पद्धती

रूपये व्याज सुध्धा ( रूपये व्याज सुद्धा )

लिहिण्याची पद्धत पहा.

"ये" अक्षरामधील मात्रा वरच थांबविता आली असती पण ती पुन्हा वळवून शिरोरेघेवर आणून थांबवली आहे. इतकंच नव्हे तर "व्याज" शब्द लिहिताना मोडी ’व’ ला देवनागरीसम "या"जोडला आहे पण तो देवनागरी "पा" सारखा दिसतोय.


त्यातच ’रूपये’ शब्दामधील ’ये’ची खाली वळवलेली मात्रा "व्या" च्या शिरोरेघेवर येऊन विसावल्याने तो शब्द ’व्याज’ ऐवजी निराळाच असल्याचा भास निर्माण होतो. जर आधीचे व नंतरचे शब्द माहित नसतील तर संदर्भाने वाचन करणं अशक्य होऊन गोंधळ उडू शकतो.

ह्या व्यतिरिक्त ह्या लेखनात आणखी ३ वैशिष्ट्ये दिसताहेत, ती कुणी सांगू शकेल का?