Posts

मोडी दस्तऐवज लिप्यंतरासाठी कसे पाठवावेत?

१. सर्वप्रथम आपल्या दस्तऐवजाची PDF तयार करायची आहे. त्यासाठी झेरॉक्स अथवा सायबर कॅफेवाल्यांकडे असतात तश्या स्कॅनर्सवर आपले दस्तऐवज 300dpi वर स्कॅन करुन घ्यावेत व सर्व फोटोंची मिळून एक PDF तयार करुन घ्यावी. (स्मार्टफोनवरील स्कॅनिंग अ‍ॅपही चांगले असते पण फोटोची क्वालिटी आपल्या कॅमेऱ्याच्या मेगापिक्सलवर अवलंबून असते. म्हणून वर सुचवलेला पर्याय जास्त उपयुक्त आहे).

२. ही PDF kanchankarai@gmail.com येथे इमेल करावी. इमेल करताना attachment म्हणून PDF जोडावी लागते.

३. इमेलमध्ये आपला तपशील लिहावा. जसे: आपले नाव, फोन नंबर, पत्ता इ.

फोनवर संपर्क साधायचा असेल तर 9920028859 ह्या क्रमांकावर सकाळी ११ ते सायं. ६ ह्या वेळेमध्ये सोमवार ते शुक्रवार ह्या दिवसांत फोन करुन सविस्तर माहिती द्यावी.

आमची नोंद गुगलवर: 4.9 Star Rating मोडी लिपी

आपले कागदपत्र पाठवायचे असल्यास कृपया येथे क्लिक करुन फॉर्मसोबत जोडावेत.

२३ जानेवारी - जागतिक हस्ताक्षर दिन

Image
जागतिक हस्ताक्षर दिनाच्या निमित्ताने केलेला मोडी लेखनाचा सराव.

जांगळी - स्थानिक शब्द

Image
अनेकदा कागदपत्रांमधून स्थानिक भाषांमधले शब्द जसेच्या तसे लिहिलेले असतात. त्यांचा नेमका अर्थ समजून घेण्यासाठी हाताशी शब्दकोश असावा. शब्दकोशात जांगळी किंवा जांगली ह्या शब्दाचा अर्थ गुराखी असा आहे.

पुरालेखागार विभाग - Archive Department

राज्यातील ऐतिहासिक आणि महत्त्वाची कागदपत्रे, इतिहासकालीन पत्र व्यवहार, शासन व्यवस्थेतले तसेच लोकांच्या खाजगी संग्रहातले महत्त्वाचे अभिलेख अशा अनेक कागदपत्रांचे व्यवस्थापन आणि जतन राज्याचा पुराभिलेख विभाग करीत असतो. १८२१ मध्ये स्थापन झालेला पुरालेखागार विभागाने शिवकालीन, पेशवेकालीन, ब्रिटीशकालीन तसेच स्वातंत्र्य लढयातील व स्वातंत्र्यप्राप्तीनंतरची अनेक महत्त्वाची कागदपत्रे जतन करुन ठेवली आहेत.

एकच लेखनिक एक अक्षर निरनिराळ्या पद्धतीने कसे लिहितो

Image
मोडी लेखनिकाची अक्षरे लिहिण्याची पद्धत कधीही बदलत नाही, हेही एक मिथकच! ह्या एकाच कागदात लेखनिकाने दोन निरनिराळ्या प्रकारे ’खु’ लिहिला आहे तर दुसऱ्या कागदात त्याच लेखनिकाने ’खु’ लिहिताना आणखी वेगळ्या प्रकारे लिहिला आहे.

'क्री’ अक्षर लिहिण्याची निराळी पद्धत

Image
मोडी लिपीमध्ये ’कृ’ अक्षर लिहिण्याची पद्धत आपल्याला माहित आहे पण तेच अक्षर ’क्री’ लिहिण्यासाठीदेखील उपयोगात आलेले फारसे पाहण्यात येत नाही. सामान्यत: मोडी ’क’ ला देवनागरी ’क्र’ मधील अर्धा ’र’ जोडण्यात येतो.